"Sikpar Thlahnak Sin Dipa Mang"

A dai maw,
A thiang maw,
A kih sin hurha an kawk viar cang maw,
Dipa thlizil nih zuuntthing a hlawi tthan lai sin?

Kha hlan bang,
Hawi thil an thar sin ngakttah hna kan mang a hrulh tthan lai maw?

Kha hlan bang,
Kan inn pawng saruh cuar thawng sin nuhmei hna kan cil a kha tthan lai maw?

Kha hlan bang,
Zaihla sin liamcia pupa hna zuun kan tlem tthan lai maw?

Kha hlan bang,
Phaizawng sin dawtmi muihmai a piang tuk tthan lai maw?

Kei le ka nau cu,
Hawi van hai in arti pum khat tuanbia kha kan rak rel tthan lai.

Nang le na hawile cu,
Ar-ruh ttam in "Sweet December" nan dong lai.

"Sweet December" timi cakuat tlang khat nih duhnak in dawtnak ruahti zawi ai zuam tthan lai!

Ninu Tleu.

Haiku

zing nichawn thlam tang
pithlung inn hngak thau phingpheng
chun nikhua a sau.

                                        DK Tluang

Fidi

Khuazing ser
Piang pirper
Van lungvar

Vazuun

SENRI

Arfi khualipi,
Nuaithongza lak thlataang pakhat,
A cuai lo amirh

Leikildeng khuaza,
Iang hlei cawi aanpei ngaknu thong sin,
Iang cung cuang Senri

       
Sept 26. 2016                                     Vazuun

LIH & HROKHRAWL

Lih!
A hliah a lang te lai lo bang a hmur sin

Hrokhrawl
A caan a dong te lai lo bang a nun sin

Lih hrokhrawl
Sual phawt a tong te lai lo bang a caan sin
 

Sept 26.2016                                     VAZUUN

"Hledan zalam ah ai chok mi Biazai (1)"

Leilawn pawt-pawt thawng,
Kuva zuar-tu pa au thawng,
A dai lo,

Saing Htee Saing zong a au len,
Tlangau-tu sa-piar pa zong din lo in ~
"Kha-wei-chian, Kha-wei-chian"...
Voikhat a au sin ai peh lengmang.

A dai lo,
An dai lo ~

Hnu, hmai i her sin ning a tti
Khuk phan lo sa-kat hna nih sual a kan phawt viar bang,
Phuhrunnak zazat he mit a ceu.

Cutin,
Keh, orh i herh sin,
Hlen hmang iang a sur mi lawng te ~

Ninu Tleu.

Ka Phan Biazai, Nang He Kan Kong

Ka phan biazai, nang he kan kong
Ni khat fung khat, hei phan ning law
An tlawm tuk hnga, kei caah cun!

Ka phan biazai, nang he kan kong
Kan teh nuamhnak, liang le luang kha
Lung diriam tiang, phuan zia thiam har!

Ka phan biazai, nang he kan kong
Theih lo si lo, kan derthawmnak
Zawnruahnak in, kan I mai milh.

Ka phan biazai, nang he kan kong
Theihthiamnak par, tthennak tlaiai
Zuun zai rel maw, kan banh phanh tawk.

Ka phan biazai, nang he kan kong
Hmailei ton hnga, hei nawl ning law
Caan liam hlan ah, cang kho hnga pei!

                                                          Mai Senri

Vapual

Kawl kan si mA.    kan mi phun hI
kan ram hoi hnA.  Kawl ram nan tI
khawi kaa khi thlA.   kan ram cu sI
Lai ram hi mA.        Kawl ram cu sI.
Nan tlau hi tA.          zei lo pawl hI
Kawl pawl hi mA.     thlah tu an sI?

Kawl holh lo iN.       nan tlei lo mA
ziah hi ti hiN.        nan tlau dih hngA
aw cu ka thiN.              Lai pa sal  pA
Kawl nih dolh iN.     Lai nu ttha tthA
an zaa pi iN...         an tlau kun hngA

Ka celh bak lO.      A si kho lO
ka ruat kho lO.      ka siang bak lO

An kan leem E...       .cu e kha E
kan mawh lo E..        har tuk ai E
an hei ka tI             lung a faak  sI
ca po hna aH       an  iin saih khaH
an ka tii tawN..... an di riam   fawN
raal rin khi cU     chim rih hlah mU
an ka serh lei.....kei kaa hei cei
zei he ka ruaH.     ii ka hei tuaH
tii khi a fawi...thin nih a tawi
zaa riil maal seH     tii bak fawi eH.

ka biak Zing nU... ka bawm hram mU
ka celh ti lO.     zaang nih phaan lO
ka chawng hna seH..ka baa cang eH
mi thiam tam pI...an um ko sii
Lai pa sal tthA..   kan ngeih lo hnA
tho ve cang uH...kaan uh hna cuH.

Vapual.

i kha a ngan i ka hman nak poh ah l  in a lang.

Mitthli Sin Cafang

Mitthli Sin Cafang

Na ka dawt ti lo hmanh ah ka philh hrim hlah mu

Ngaihnak le hlam nak he
lanhtak mi zaan pawl sin ah
chiahtak mi zuun
Nun nih tuar awk ah a fawi t့ung lo

Dawt thiam ding in an chimhhrin tu khuazing hei si ning law tiah
Kan duh lung in hak a kau t့heo

Philhnak nun ram ahkhin
nun hlawt in nang philh ding ah kham mi ko dah ngai ka si hei ti bang
Nang kan philh khawh rih tung lo

Zaan nih hin muihnak pin ah ngaihnak a chuah pi theo tawn
Kan ngaihnak zaan ah nun a tlo tuk khun
Guitar pakhat he hlamnak hla aw tu tiang a dai rih lo

Tu zaan ah kanngai i
A fiang lo thaizing ah kanngai tuk rih lai ding bal a fiang
Dawt
An siam tu kutzung ah kan dawt tuk ding hi telh chih maw a rak si hnga
Na thinlung ah kir nak nun ai tel lo hi ka zumh khawh mi ah ai tel kho rih lo

Van hi a cimh a si ahcun
ka t့aang tang ah kan thuh lai
Vawlei hi a cimh a si ahcun
Ka lu par ah hmun na co lai
Kan dawt tuk

Vawlei ah dawtnak a dih hmanh ah
Philhnak nun tal cu um hram hlah seh
Ka van khur ahhin ngaihchiatnak lawng dara hmun a co tawn
Mitthli nih a khuh mi nun hi dongh a thiam ti lai lo bang
Ka zalam ah hruaitu a si zungzal tawn
Na ka kal tak hnu

Mitthli
Ka hrai ah an liam
Ka nun ah ai fun
Ka lam ah ai phah
Dawtnak in ngaihnak ah ai ser mi mitthli ka ui lo nain ka hua

A hnu bik caah ka nolh lai
Na ka dawt ti lo hmanh ah
Ka philh hlah
Dawt

                                               Vazuun

Ka Ven Ca

                   Ka ven Ca

Suallam ngei ngai in
bia thaw ka hei pek mi te te hna hi,
Lam thlang ah ka hei char i ....
Ka tlawp len mi biafang

Ka tamh mawih len mi
Bia ro caak biakak,
Ciini ka phulh khuihli tii ka nelh mi
Bia haangkha le thorzaam hna khi

Vai holh kawl holh ka tlawp lo ta kaw
Lai holh te ta kaw an si ko cuh,
Na hei ni men rih ko lai cu mu
Nang kha cu aw!.....

                                             #Hngerhtebawi#

Mau Cung In Dawtnak Hla

       "Mau Cung In Dawtnak Hla" 

Ka tthu
kuttum tia tlangbo cung in
tivarek luan thawng le
thli nih a hranhmi mau-awl
nih vanva he hla an i tthunh ah

cerlian
nih liam lai in, muici phuntling
he thlapa a ton zawn khin
zuhui he par kip ka cuan
na'n ka dawt an in hluan hrim lo.

                                             -Fiakfairok

Awi Law Kawi

    "AWI LAW KAWI"

-Hramnak-
Hlam kawi tong lo kawi
Thlam cawi kong hlo dawi
Vai vuah hngalh lo fawi
Mei luak hal to law

-Nawlnak-
Kawi dawi fawi law

-Hlamnak-
Ka sawm ka kawi
Thlavai kiang

                 
                         Hngerhtebawi

4:23 AM

               "4:23 AM"

Tingtang hri khatnak
Hri thumnak aw ka bet than
Hla bia a tlawm deuh

                            Hngerhtebawi

HNONMI NUN

              "Hnonmi Nun"

Hi hmun,
Chiat rak serh mi ram bang
A rak king tuk cang.

Hi nun,
Salchia to-aw hlumh mi bang
Hnon a rak si cang ~

                    Salai Biak lian thang

NGEIHNAK AAN

                  Ngaihnak Aan!

Na min cuan in, ka phone ka tlaih
Na aan ka ngai, chonh kan duh nain
Ka thin ka thum, ka lung ka sauh.
Kan philh ruang ah, ka daih si lo
Hna kan hnawh lai, ka phan ruang ah
Dai te ka um, kan ngai nain.

Cung van ka cuan, thlate ka chimh
Kan ngaihnak lung, bia le aan cu
Fidi borh rual, nan thei ve maw
Ka bia aan cu, ka hei hal hna
Ka kiang tiva, nga leng zong nih
An theih theo lai, kan ngainak aan.

Van vate le, thahreng hmanh nih
Zai an hlawi aw, ka Thei kho lo
Zaan hmui rimthaw, ka dawp kho lo
Dawt zuun ngaih nih, ka lung an monh
Fim ter ai law, na aan in khan
Kan ngaihnak aan, na theih sual cunh!

                                                        Mai Senri

SIIR

                       "Siir"

Zan khua hun tlai
Tingtling luu ka thluk
Na min cu zai aw in hun sak in
Keimah tein kaa thlim

Mang chung tiang
Na hun ka tuaitam theu rih

                               
                               Hngerhtebawi

CATLAP TUANBIA

                     "Catlap Tuanbia"

*Cahram

Cun duhsah thluaimai in
April thlizil cung ah
nang le kei laam in kan thawk;

kan i seng____ hmun khat
mawra pakhat cung ah
thlatangpa a var zawn cun.

*Dal 1

A lawngmi catlap rang
biafang thlum nih an hlumh
i a thli te’n a cawlmi
rilipi phen le dingdi par cung
lungkil thli vennak;

kan hmailei a par
a kikmi Kum Thar tang i
caan nih diar in
dawtnak aan kan i thlen ah
lung a hmui hrim ko;

cun hmun khat te’n
hawikom dawtnak leng tiang
kar kan hlangtti.

*Dal 2

Kan paih
ni le thla, caan le kum
kan nih i teng kho lo’n
Tthal ninu ko nih
a kan zoh ah hawi a har;

kan nung, kan tlau
na’n kan ttial tthiamtthiam
minung pahnih
tuanbia pakhat catlang cung i
nihkhehnak aw;

kan laam
siseh Fuarpi ruah nih a suar i
kan catlap cinh in
tubungkhor ah lo ko a fenh.

*Donghnak Dal

Kan hla aa dinh zawn ah
ka ke thawn ka philh
i ruahti nih a tlak hnawh ca’h
ka lungthin a kuai;

Thlichia nih a sung a khan ko
na'n minmei a ngam kho hlei lo
i hlawt kaa huat__ cerlian,
fidi le muici sin in cun;

caan a liam
i cahmai aa thleng
nizan lawmhnak le
dawtnak a king;

cun kei___
kei kaa thawk tthan.

                                 -Fiakfairok

PAHNINHNAK UICO II

                      Pahnihnak Uico II

tap ti hlah!
na ing a chia tuk ee
hodah, khika tiannak lam a cuan hmasa
mui tham a ziam kha ta ti?
lungkhuaitu,
na hngalh lo kar ah
lungcan pek in ka lungthin a pau tuk cang
hlan kan hawile hmai ah phai len hau loin
na zei hmanh ka si ti lo.
ka hawikom si tiah chim ko law ee
nain, lungfahnak seikurang khat na rak ka ngalh
thaizing timi khi mi hmai zoh ngam loin ka rak pah. ziah!
atu!!! na mittlang thuhmi le na mitthli aa cawh?
ziah!!!
hngal nawnte peo nawnte ke thawng vialte na philh ta dih kun!
na ka kal taak lio kha khua a maw dih!
kaan nawl ko. a thleemte in chunmang nuam tuk in ka mangh lio ah, ka kawile rual hmanh an inuam.
ziah!!!
mangtha cah cang hnu cun,
ka thohmaw hin ti lo ee.

                                                        kevin thang

BIABEOH

                               Biabeoh

vanva te aw
ra baibai cang law ee.
ngan hi a har tuk ee, ka kamseh chih hau.
Sahara thetse rawn in, acamar fikceu cuanh cun
lung a tte ee, vanva te aww...
a-khiak-aa-naa (acamar) cu tainamkawng he,
vanlaicung ah a luangmi:
tiva dong ah para an thlei pah, an i hawh pah ee
vanva te aww, thonglawi ka tum piak ti hlah mu
ka lung kuai hi hma ah an rello ee  ...

ka lungkuai,
thetse rawn nih a hut chinchap ee, vanva te aw.
na dang caar ma? dairial cerhti dil na duh ma?
acamar cu dotthumnak in ka bih bal ee
thetse rawn ii ka dum kuhchuk hmin lio ah
velhle a thiam ve lai, ka ruat lo.
zoh! atu ka umnak hmun ah,
a paw in a lawnmi rulhreu le cep pawl
zeitindah a tilh duh khe lai.
keimah tiin rilidonghnak hmun tiang aa chal mi firuk siangnuhrang pangpar hen pei si cu.
ram hring le ruah le thlizil a hrannak hmun ah,
a thinlung vialte a thap cang cu ta.

vanva te aw,
daite in ka tlum dih ee
vawlei ka chuah taak cang lai.
thlanlung ka hau lo. Lungdonh belte ka donhte law, vawlei cin le ro icelhnak ah, velphah in
thinlung khuaitu an baat tikah, idinhnak hmun,
lungdonh cu mirang-vawlei telh hin hlah!
vawlei ka si. vawlei siningte in lungrual law tlak in chep law, ka rauthla hnangam tuk lai, vanva te

                                                         kevin thang